اهلا اهلا مية مراحب والله شرفتينا وآنستينا وبدخولك اسعدتينا ...

ولسه شباب ما كبرت على التكنولوجيا ولا حاجه ومتأكده منك ممكن نستفيد الكثير الكثير ...

الف مراحب بي ست المنتدى فنحن الضيوف وانت ربة المنزل...والمنتدى كلو نور وسعادة بدخولك وان شاء الله ماحتقصري في واجب الضيافة من كل النواحي وبالذات في المطبخ , والظاهر انو المدير عندما علم بدخولك اسرع بتجهيزه ونحن كمان في انتظار ابداعاتك في المطبخ وفي كل المنتديات

مرحبا بك بين اهلك وابنائك ونتمنى انك
تفيدى وتستفيدى من التكنولوجيا
وكما قيل النساء الاسرع في فهم الجديد

وبنقول ليك وين بلة يا ام بله
ومبروك لكل البلاويين زيادة نفر شكلكم متكيفين بي تسجيل امكم
دغر ياعين دغر

تراك عرفتها يا ود الشريف بس ام بله تلتين جضيعابيه وتلت بلاويه وعقبال العكاشاب ينورو منتدانا

نقطة نظام:.,؟’......... ام بلة كمان خليتوها بلاوية نحن الجضيعاب نستنكر وندين ونشجب هذا الكلام ونعتبره تعدي على افراد الفريق ونطالب بالاعتذار فورا من ود الشريف ومن عادل فورا رد التلت الذي جعلته للبلاويين .. ولا كيف ياجضيعاب المنتدى ؟؟؟ردو وبسرعة وحار حار حلوها بيناتكم قبال تصل الى المحاكم ونبقى في سين وجيم..قولوا الله يارجال.هي هي ..

يابت أخوي المرأة ماعندها ولاربع لانه في الاخر الانتاج ينسب للرجل

والشيء الصحيح أن تنسب المرأة إلى أبويها لا إلى عائلة زوجها يعني

انت لحويه وأم بله جضيعابيه.بعض الجنسيات تنسب المرأة للرجل و تغير

اسمها باسم الرجل وهذا تقليد للغرب لايجوز شرعا.

انت ياام عثمان فاكرانا في امريكا ولا فرنسا زي ماقال عمك بقة مع ناس هيلاري كلينتون وما بعرف اسمها مين اوباما؟ولا ماسمعتي بي بت الرجال ام دما حار؟ بس كمان مابنكر انو المرة تبع زوجها او راجلا زي مابقولو اهلنا

أم منتصر ده شنو ده طلعتيني كلو كلو مع ناس الغرب .. الله يسامحك اهي اهي اهي

العفو يام ام عثمان معقو لة دي ؟ الظاهر انك فهمتيني غلط انا ردي كان تعقيب علي كلام عبد الباقي.. عموما لكي العتبى حتى ترضي بس ماتبكي،فانت بت الرجال وام الرجال غصبا عن كل من يقول ومن قال..خلاص ولا ازيد؟

الحمد لله بعد هذه الحجة الطويلة أم منتصر طلعت عكاشابية مائة بالمائة

وياريت يابقة تفيدنا بي نص يمنع نسب المرأة لزوجها شرعا زي ماقلت عشان الحوار يبقي زات جدوي ونكون إتحصلنا علي معلومة مجانا

ليك التحية والله ومشكوره على كلماتك الحلوه دي وزعل بسببك ما بحصل ابداً نحنه كنا بنشاكل فيك لكن انتصرت عليّ أم منتصر.. وفيك الخير الاديتنا التلت

لامكان للزعل بيننا مجرد ونسة وضحك بس يا ام بلة وكلنا اهل وخليط متجانس لايقبل التفرقة ......... بس ود الشريف باقي لينا زي فيصل القاسم وبرنامج الاتجاه المعاكس يولعا ويطلع منها هسي داير يفتح صفحة جديدة مع العكاشاب...بس ماحتقدر المرة دي ياود الشريف ..وعينا

تلتنا مابنخليهو ياأم منتصر وعندنا راي في الجضيع بي عرق خفي والتومة أم الرشيد خالت السارة بت خالد وبنت الرشيد ودبلة زاتها عندنا فيها تلت زوجة البشير ودأبنعوف يعني مسمار جحا زي مابقولوا

وعينا.’,،،،،’:.،/’لكن بقول دي بس اولا التومة ماعكاشابية يعني ماعندك فيها راي وتانيا: انا وبت الرشيد <عرفة من متين يانفيسة>عشان تاخدو تلت كامل ؟