عبدالباقي بله كتب:

السلام عليكم ورحمة الله وبركاته
اهلا وسهلا بكم في هذا المنتدي المتميز يوم بعد يوم وأطرح هذا السؤال لأم عثمان المتميزه.

والسؤال هو؟

من المعروف ان الأم العاملة تعرف مسبقا بأن ساعات نهارها تحتاج لكثير من تنظيم كي تنجح بالمجالين

حتى لا يأتى اى منهم على حساب الاخر وبما أنك حققتي هذا النجاح اخبرينا كيف تنظمي وقتك؟

وشكرا

صراحه التنظيم ساعدني كتير في الراحة النفسية في البيت والشغل ...

طبعا ً بحكم الشغل والمدارس الصحيان بدري يعني ظابطه المنبه على 4:50 بعد ما أصلي بصحي الأولاد يجهزو للمدارس وبعدها المكان الأساسي المطبخ .. بعمل الساندوتشات للفطور والشاي طبعا .. بقعد قعده سغيييره كده اشرب الشاي مع ابو الأولاد وبعدها بشوف اذا اليوم داك كانت التلاجه عامره وما محتاج نطبخ بغسل الملابس وبنضف البيت وده دايما بكون يوم بعد يوم .. وأحياناً بكون في شوية هدوم عايزه تتكوي فبرضو الصباح الكلام ده..وما بستحمل اخلي حاجه لليوم التاني ..

يعني بالعربي شغلي كلو الصباح (نظافه ومسح وغسيل وكي) لأني برجع متأخره البيت بعد ما أمر أجيب عهوده من بيت الأهل يعني ما قبل 5:00مساءً .. اول حاجه بعمله بعد العوده شاي المغرب وده جانب مهم جداً في بيتنا ..بعدها بشوف الاولاد والحاصل عليهم في المدرسه والجديد وهلم جاره..الخ

الحاجه الما بتحصل ابداً انو أنوم بعد ما أرجع البيت ممكن يكون فيها دور راحه .. حبة رقده .. استرخاء فقط

المدير العام كتب:

بصراحة نشطي المنتدى بمواضيعك الجميلة وطلالتك عليه كل يوم وان شاءالله لي قدام ماترجعي لا ورا وانا بقترح انو تكوني مشرفة للمنتدى ومن اليوم بتلقى الصلاحية بتاعة الاشراف موجودة عندك وهى نفس صلاحية المدير العام تغييري الخلفية وتتحكمي في الاعضاء وكل الصلاحيات الموجودة عشان منتدانا يزيد روعة.

ده شنو ده مشرفه عدييييييييييييل كده!

إن شاء الله أقدر أكون قدر المسؤولية الموكلة لي .. وبشكرك كتيييييييييير على التقه الأديتني ليها دي

(يا الله يا جماعه بقيت مشرفتكم اعملو حسابكم اقيفو عديل واسمعو الكلام.. احم احم)

ضيفتنا العزيزة أم منتصر أنا ح أسألك سؤال بسيط جدا هل المنتدي بالنسبة لك هواية تفجري من خلالها إبداعاتك ولا هو منفذ من الروتين الممل في المنزل والعمل ؟

آسفة على الدخول المتاخر يام عثمان بس انا اخترت التوقيت دا لانو انت مشغولة وكدا ........اولا بهنيك مرة اخرى بهذا التميز والباقين ماخلو لي حاجة اقولا،،، وفعلا بدخولك المنتدى بقى جميل بردودك ومواضيعك الشيقة والمشوقة على الرد عليها بسرعة واتحفتينا بيها فعلا ... ولكي مني اجمل باقة ورد من بستان الزهور الهولندية....

وايضا بقول ليك اقتراح المدير في محلو وان معاو في الفكرة دي....................

سؤالي .شنو اكتر حاجة شجعتك على دخول المنتدى؟؟

وهل تجدين وقتا كافيا لدخول المنتدى والمساهمة فيه مع ظروف العمل ومتطلباته وكيف؟؟

واخيرا تحياتي للاولاد وابوهم وبقول ليو وينك انت اليوم يومك ولا ماعندك كلام لاميو من زمان ؟؟.... وربنا يحفظم ليك ويديك ليهم العمر الطويل انشاء الله

ام منتصر كتب:

آسفة على الدخول المتاخر يام عثمان بس انا اخترت التوقيت دا لانو انت مشغولة وكدا ........اولا بهنيك مرة اخرى بهذا التميز والباقين ماخلو لي حاجة اقولا،،، وفعلا بدخولك المنتدى بقى جميل بردودك ومواضيعك الشيقة والمشوقة على الرد عليها بسرعة واتحفتينا بيها فعلا ... ولكي مني اجمل باقة ورد من بستان الزهور الهولندية....

وايضا بقول ليك اقتراح المدير في محلو وان معاو في الفكرة دي....................

سؤالي .شنو اكتر حاجة شجعتك على دخول المنتدى؟؟

واخيرا تحياتي للاولاد وابوهم وبقول ليو وينك انت اليوم يومك ولا ماعندك كلام لاميو من زمان ؟؟

يا هلا بأم منتصر .. سعدت بطلتك والله ومشكوره جداً لدخولك وسؤالك ..

صراحه ما في حاجه شجعتني كان كلو صدفه وتقريبا ما كنت بعرف عن المنتدى حاجه .. عادل جزاه الله كلو خير هو صاحب الفضل في دخولي كان منزل الموقع على الفيس بوك على طول ودون تردد دخلت وسجلت واتكيفت جدا اني بقيت عضوه فيو .. وما شاء الله لقيت جماعتنا كلهم داخلين وحسيت انو بدخولي معاهم بكون اقرب واقرب وتزداد الصلات الطيبه بينهم .. اللهم أدمها يا رب

والله أبو الأولاد اسي بكون في سابع حلمه بعد شويه بصحي للدوام التاني الله يعينو.. وعلى فكره ما عارف اني الليله كنت ضيفه والا كان حضر لي كم سؤال..!!

تشكري يا ام عثمان دا واجبنا انه نعرف الناس علي المنتدي

عادل دفع الله كتب:

تشكري يا ام عثمان دا واجبنا انه نعرف الناس علي المنتدي

ولا شكر على واجب يا ابن عمي..