شكرا أخي عادل وجزاك الله خيرا علي المقدمة الرائعة كروعت طلتك البهية في الحقيقة أنا قبل ميلاد هذا المنتدي الجميل أكنت مشترك في منتديات كل من رفاعة ؛ الهلالية ؛ أبناء ودأبوصالح بالمغرب . وكانت لدي فكرة بعمل منتدي بأسم القرية لكن كل ماأتذكر إنو شباب القرية غير مهتمين بالأنترنت تموت روح الهمة بداخلي حتي فتح الله علينا بالأخ أسامة وجزاه الله عنا خيرا .
وسبب غيابي يرجع لي سببين أحدهما الأمتحانات في فبراير وأغسطس وثانيا كان الأعضاء ثلاثة أوأربعة وكلهم في الخارج أسامة ؛ عبدالباقي عثمان ؛ النزير وأحيانا أنور صلاح من جنوب السودان يعكس بعض الأخبار عن القرية الساحرة حتي نصر الله المنتدي بك وأم عثمان و أم منتصر وعبدالباقي بلة وباقي العقد الفريد .

أرجع لي سؤالك أخ عادل في الحقيقة بعد الغياب وجدت المنتدي بأستايل جديد ووجوه جديدة متميزة ونشطة جدا ومشاركاتهم رائعة .

وأجد نفسي أميل لي المنتدي الأسلامي والطبي .
لكن نحن ناس كلو بمش معانا حتي الأسرة والطفل

مرحبا العم عبدالباقي ومتعك الله بالصحة والعافية
‏ ‏
بماأني أعيش الغربة منذ طفولتي المنتدي يعني أني موجود بين أهلي وأحبتي .

نستطيع أن نستغني عن المنتدي إذا لم يحتاج فرد من قريتي الذهاب خارج السودان أو القرية .

سأبيعه إذا زوجتي قالت ذالك لأني أعزها جدا . الغائبة طبعا

لك الشكر أجزله ألعزيز أسامة ليك علي لو رجعت السودان لوباضت دجاجة في فريق العوايدة لعلم بها أهل الدوحة وأسألوني من الأسعار عشان ترسلوا القروش قدرو قدرو لأنوا في نسوات بدبلن الأسعار النص بالنص . هاهاها

مشكورة ام عثمان كتير جدا جدا

هههه الصورة دي كانت في الحديقة الشرقية لمبني تاج محل احدي عجائب الدنيا السبعة واكان في واحدة صينية قلت ليها انت فروم جينا قالت نو فروم دبي وانا انفغعت من الضحك

abdelrahman alshareef كتب:

مشكورة ام عثمان كتير جدا جدا

هههه الصورة دي كانت في الحديقة الشرقية لمبني تاج محل احدي عجائب الدنيا السبعة واكان في واحدة صينية قلت ليها انت فروم جينا قالت نو فروم دبي وانا انفغعت من الضحك

بشكرك ود الشريف على ردك .. ههههه

وان شاء الله دايما مبسوط وفرحان ..

سؤال تاني:

ما فكرت تزوج هـنــديــــه؟

ياود الشريف المكان الواقف فيو دا لو زحيت لينا منو شوية كدا لي برة كنا كبرنا الصورة وبروزناها بس انت واقف لينا فيها زي تمثال الحرية......................

مبروك عليك التميز وان شاء الله نبارك ليك التخرج قريبا،،،

وفعلا كما قال الاخوان مشاركاتك متميزة وفيها مواضيع شيقة ومفيدة ونحي فيك شخصيتك المرحة وصدرك الرحب لكل ما نقوله لك في ردودنا على مساهماتك وقد قسونا عليك في بعضها....ه

ونتمنى انك تستمر فى المشاركة والتواصل مع المنتدى حتى لو ازوجت وزوجتك منعتك ماعليك الا تخليها تقعد تتصفحو لمدة ربع ساعة وبعد داك حاتقتنع..

والله زي ماقال الحاج مذكر الواحد لامن إشكروا إنتابوا شعور عظيم ويشعر بي غبطة
وشكرا لكل رواد المنتدي علي هذا الأطراء وأتمني أن أكون عند حسن ظنكم بي وفي الحقيقة أخجلتموني بكلماتكم الرائعة كروعتم ياأم منتصر وباقي العقد الفريد

ياأم عثمان ماتتكلمي في السياسة إنت ماعارفة ناس المنتدي مابحبوا السياسة
زواج شنو لوسمعوا ناس البيت تاني مابرسلوا أبقرشين
بعدين أنا داير واحدة تخش التكل وتشيل العمود المستشفي وتصر وتحلب وماعندها فيس بوك

المواصفات دي في الزمن دا الا تلقاها في الحبوبات لانو التكل اختفى من خريطة البيوت والكسرة بقو يعوسوها في صاج الغاز ولا صاج الكهرباء والماعندها الاتنين عندها كانون كسرة متحرك بتلقاهو في سوق الله اكبر عند الحلب
والصرار خلوه بقو يلبسو الغنم حاجة اسما الخرتاية زي شنطة اليد ...... شوف حاجة تانية......... وبقى العريس مع العفش يجيب الديجيتال والموبايل وبعد شوية حايجيب الالبتوب والآيباد ....عشان كدا من هسي خليهن في حساباتك