رجل كانت له بنت واحده ..زوجهاواسكنها معه هي وزوجها فى بيته حيث خصص لهما غرفة . بعد الزواج بشهور قالت البنت لابيها : نحن فكرنا ناجر بيت وراحلين الاب قال ليها :لايبنتي ..ماحاخليك ترحلي مننا الاتجني ! البنت استغربت من كلام ابيها ..لكنه قال ليها اصبري وحتعرفي الجن كيف ؟ بقت البنت في بيت ابيها حتى وضعت الطفل الاول .. وبعد ثلاثه اشهر صادف ذات يوم ان حضر الاب من عمله بعد المغرب فسمع صوت ابنته مع طفلها لوحدها فى الغرفة وهي {تهدهد }فيه بصوت عال :هوووي ياحماده ياسكر زيادة . .وددددد وكككككك وررررر ثم تقبله بصوت عال وتقذفة وتتلقاه وهو يضحك .انت بتكبر لي متين تكبر تبقى زول تلعب بالكرور ..ودددددد ورررررررررر وهي على هذا الحال ظل والدها يتفرج من الشباك دون ان تشعر به .واخيرا بعد ان فرغت من ذلك .. دخل عليها قائلا لها :خلاص بعد كدا جنتي ..ممكن تمشوا بيتكم .

هذا ما نسميه الحكمة في القول سبحان الله ما كان حاتعرف ابدا في يوم من الايام ابوها كان قصدو شنو ..

ومتي يجن الأب أكيد بعد الزواج بشهر عشان الزوجة بتقلب وش الأسد بعد ماكانت قبل الزواج حنية ورقة وبراءة ‏

[ السلام عليكم ومشكورين على المرور واتمنى تكون عجبتكم وبقول لى ود الشريف بجن الراجل بعد اجبوا ليه كوم عيال وخشوا المدارس

انا بفتكر الراجل بجن لمن يعرف المدام حامل بالاول ومن ساعتا تلقاو يحسب ويجمع حتى في النوم مرات