شايقي راكب مركب ومركب معاه امه وأخته ومرته وأولادة وصاحبو، قامت المركب غرقت ومافيها زول بيعوم غيره. الجماعة قعدو يشجعوا
فيه من القيفة (يازول أمرق الناس)، صاحبنا جر واحد منهم بي يد وعام لغاية القيفة . لما وصل قالوا ليه "يالخايب العايب، هي نان لاهي
أمك، ولا أختك، ولا مرتك ولا واحد من أولادك؟؟؟ ديل كللللهم تخليهم وتمرق صاحبك؟؟؟"
قال ليهم " نان ما طالبو قروش".
شايقى بخيل ضبح خروف عمل اللحمه شيه والراس شوربه والرجلين كوارع والجلد للصلاه ومخلفات المعده سماد للشجره والعظم طحنه علف
للدواجن .....حتى كلمه بأأأأأأع عمله نغمه للموبايل
شايقى مغترب فى الخليج عشرين سنه رجع السودان ظابط الغتره والعقال الخليجى وركب التاكسى واللسان خليجى تب قال لى بتاع التاكسى الله
يرضي عليك أبقا الثوره وفى الطريق الونسه كلها باللهجه السعوديه بلدكم زينه وسواليفكم حلوه وديرتكم هواها زين بتاع التاكسى إحتار معقول
في سعودى مشلخ شايقى ولما وصل الثوره قال لبتاع التاكسى الله يرضا عليك نزلى العقش تبعى هذا ولما نزلو قال للتكاسى كم يسوى
المشوار قال ليهو خمسين ألف ورد صاحبنا مزهولاً… فيييييى شنو ؟
