كل الليل تهلع عدتو القمريه ..
من أب عاج مبيته فى مخافه وريه ..
قبل القبله تشرب قبشته البكريه ..
صبحت دارها خاليه , ترا السفر باكريه ..
أهديك يا العليو ولهان عليكى وأجيد ..
سواجع الأيكى هجن فى جنانى هجيج ..
إسمك ديمه حلو ,, وفى شفايا لذيذ ..
فى شان فيكى لي شخصآ عليا عزيز .
تسعين فى العليو إنت الغرام شاوينا ..
وفر بسماك جحيمآ حرقت باقينا ..
جور جن الزمان البى الغرام شاوينا ..
خايفين يوم نسافر وتانى ما تلاقينا ..
فيك ضمرة بهو ,, وفيك دغمة الكيلان ..
وفيك دوف البعضعض , فى اللجام ضهلان ..
فيك ديس النعام ,, الفزه بالقيزان ..
وفيك , ما فيك طبايعآ يحمدا الإنسان ..
