وبمناسبة يوم عاشوراء والصيام هاكم طبق عصيدة ساخن بس جهزوا التقلية ولا النعيمية واستنوا الاذان

المكونات:
عجين ذرة مخمر حسب الطلب
قليل من دقيق القمح
قليل من النشاء
كوب لبن رائب
الطريقة :
نجيب العجين المخمر ونضيف عليو موية ونصفيو بالمصفاة وبع كدا نشيل الموية المصفية وتضيف اليها باقي المكونات ونضعها علي نار هادئة ونستمر في تقليبا الى ان تصبح متماسكة وبعد كدا نصبها في القوالب الي ان تبرد قليلا بس تكون دافية .
ووبعد داك بقلبا في الصحن ونصب عليها ملاح التقلية او النعيمية او اي ملاح عصيدة تحبوه.
وبالهنا والشفاء

امشكوره ياأم منتصرعلي العصيده وعشان تكون مكتمله أنا بأعمل ليكم ملاح النعيمية

والمكونات هي

بصل محمر ومدقوق، شرموط (ويمكن استخدام اللحم المفروم)،زبادي

فول سودانى مسحون، ملعقة كبيرة صلصة، قليل من الزيت، ملعقة دقيق،ملح،فلفل، كزبرة

·الشرموط لحم مجفف ومسحون

الطريقة:-


يوضع الزيت والبصل والشرموط والصلصة فى حله على النار ويضاف 2 كوب ماء تقريبا

تترك على النار حتى تصبح السبكة مستوية مع اضافة الملح والفلفل والكزبرة

يضاف الزبادى بعد خلطه بالدقيق (لتكون الطبخة متماسكة) الى السبكة وهى على النار

يذاب الفول بقليل من الماء حتى يصبح سائلا نوعا ما ويضاف الى الخليط

وبعد ذلك

تترك على النار لمدة ثلاث دقائق ويطفأ النار.نجيب صحن غريق ونقلب فيه العصيده

نصب النعيمية العملناها حول عصيدة ام منتصروممكن تديها رشة سمنة بلدية لوعاوزين

الطبق بقى جاهز وبالهناء والشفاء.

والله خبرة .. الظاهر انو عادل دا لسانو طويل ساي.

بس في حاجة سغيرونة دايرة اضيفا لوصفتك: نقلي البصل اولا في الزيت الى ان يصبح ذهبيا ثم نضيف الشرموط والصلصة والكسبرة والملح وقليل من الماءونتركه يقلي لفترة

بس نسيتوا سلطة الفواكه لازم بعد الافطار
المكونات:
١ قطعه مانجو.
نص كيلو موز.
٢ حبه تفاحه.
عنب حسب الرغبه.
ملعقه كبيره بودره.
للتزيين نص كبايه سكر ونص كبايه مويه .
الطريقه :
تخلط المنقه مع موزه وملعقة حليب وتصب في كورة بايركس كبيره وتقطع باقي الفواكه لمكعبات صغيره وتضاف لخليط المانجو ثم نحرق السكر ناشف حتي يصير لونه عسلي ويصب اليه الماء ويغلي حتي يصير مثل العسل في قوامه ثم توزع السلطه في كاسات وكل كاس يصب اليه معلقتين من العسل
وبالهنا وربنا يتقبل صيامكم

هييييييي شيشكم علينا يا جماعه ده شنو ده اكلتونا وحليتو لينا .. نحنه صايمين ارحمونا وباقي كتير للأذان الله يصبرنا ..

مشكورين علي الطبيخ أم منتصر وعبدالباقي وأم بلة وأنا كمان بضيف حاجة






منتظر في الصالون وقاعد في الصفرة لكن شكلكن كدا حتأخرونا بي سلطة الفواكه دي

ههههه لوك الصبر قبل مانعمل القهوه والشاي مالك قاعد بره ابقي داخل لي جوه